現年54歲嘅前港姐陳淑蘭（蘭子），喺1988年奪得亞軍兼最上鏡小姐，一向都鍾意喺社交網分享日常生活嘅佢，日前，就晒出與朋友生日聚會嘅靚相，並寫道：「祁生同Fanny都係十月之星，亦親如我屋企人。幸福的我，能有你倆一直愛護疼錫。祝福祁生同Fanny身體健康萬事如意，繼續愛錫我！」相中佢與翁虹一齊為好友祈文傑和Fanny慶祝生日，合照時更親吻壽星，畫面相當友好。隨後好友祈文傑亦有留言：「左邊亞姐翁虹，右邊港姐蘭子中西合璧，蛋糕加壽桃為我慶祝生日，真感受寵若驚。」
其實佢同祈文傑嘅關係有些特別，喺1996年時，兩人曾談過一段時間戀愛，當時佢為咗追身為漫畫家嘅祈文傑，更係惡補漫畫，令彼此有共同話題，但可惜佢哋最後因性格不合而分開。不過，分手後佢哋依然保持着很好嘅朋友關係，經常會同其他好友一齊聚會。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
