歌手炎明熹（Gigi）今日（23日）到電台出席《香江暖流》至愛陳百強30年紀念特輯錄影，現場還有陳百強的表妹玲玲及哥哥陳百靈。Gigi獻唱陳百強的《念親恩》及與其他歌手大合唱《一生何求》。Gigi指對陳百強印象最深的歌曲是《漣漪》和《明星》，她說：「一聽到首歌嘅音樂就已經想喊。」問到唱《一生何求》時多位歌手入錯key，Gigi指：「可能首歌改編過，同埋大家未有時間綵排。」
Gigi首次個人演唱會早前因颱風取消了一場，她表示12月是她入大學後首個考試，屆時要專心應考，故演唱會最快要明年才安排補場，她表示：「第一次考試好緊張，希望有多啲時間去溫書，所以最快要下年先可以補場。（順便開多幾場？）我會加油，都希望可以開多啲畀大家睇，但要自己有能力嘅時候做，唔想嘥大家時間。」
Gigi又透露明年會舉行巡迴演出，並希望返家鄉汕尾開騷，她說：「希望有機會，咁屋企人就唔使長途跋涉坐車過嚟，我記得嫲嫲上次都有嚟，到時會用鶴佬話同佢打招呼。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
