今日係10月25日農曆九月十一，是日最旺生肖係雞，幹勁十足嘅你，事業上唔會無發揮所長嘅機會。好似拚搏十年嘅袁偉豪（Ben），早前就開工作室做老闆，專注做音樂同寫劇本，又同張振朗一齊去歐洲拍節目。
雖然Ben近年減產，但為咗即將出世嘅BB，要努力搵奶粉錢，所以現時連拍兩劇，目前正於深圳開工嘅佢，不時會於社交網分享在內地拍劇的生活。而10號當日正是老婆張寶兒（Bowie）32歲生日，「愛妻號」嘅佢即人肉速遞送驚喜，來個大突襲，突然出現喺壽星女面前，Ben仲好得戚咁話：「係呀，我同導演講我唔拍了，我話我今日唔拍了，我要返去陪我老婆過生日，係咁先。」哄得Bowie超開心。而屬肖豬嘅朋友，做野就應該要量力而為，過於貪心會惹麻煩。
至於幸運星係巨蟹座，運氣勝人一籌，可以係職場競爭中佔到甜頭。前港姐冠軍陳凱琳（Grace）與鄭嘉穎結婚後4年抱3，誕下3子鄭承悅（Rafael）、鄭承亮（Yannick）及細仔Carlos，Grace便一心相夫教子，忙於照顧家庭。
雖然Grace減少幕前演出，甚少拍劇，但成功轉型做KOL天后，曾一年獲得32個品牌贊助，勁吸千萬報酬，比好多KOL都賺得多，果然係佔到甜頭。早前拋低老公、囝囝，同成班姐妹一齊去米蘭時裝周，大晒靚衫。而水瓶座嘅朋友唔好心急，小心容易犯錯，處理投資問題，最好從長計議。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
