無綫台慶劇《香港人在北京》昨晚（24日）一集講到蔡潔陪同陳展鵬到珠海傾生意，借醉向展鵬表白餘情未了，展鵬則把持得住拒絕她獻吻。講到該場床上獻吻戲，蔡潔表示拍攝時沒有尷尬：「大家都係專業演員，嗰場主要係講個氣氛，展鵬厲害之處係唔會令你緊張，我哋喺輕鬆嘅氛圍下完成拍攝。」但她坦言獲悉與展鵬合作時，曾經擔心招架不住他的氣場，但合作卻感受到視帝功力，角色一出場就能夠吸眼球，但又不會太過鋒芒畢露。
講到大露背晚裝騷白滑玉背非常搶鏡，蔡潔笑言：「我都覺得個造型好靚，其實嗰件晚裝上半身只係得一塊布，但出嚟效果好靚！」至於講到美白和健美心得，她分享說：「我以前好鍾意飲牛奶，可能同飲得多牛奶有關係，同埋我幾喜歡練背肌，但唔係練大隻嗰種，練背肌除咗可以保護脊椎令到女士線條更突出，仲可以令到塊面更firm。」
吳若希講到劇中有不少唱歌場面，Jinny透露：「喺未拍呢套劇之前，我係未試過企喺一個咁大嘅舞台演出，所以有好多唱歌場口真係有一種開騷嘅感覺。開完呢套劇之後，我先夠膽開屬於自己嘅個人演唱會，呢套劇喺唱歌事業方面真係幫咗我。」提到與梁漢文合作，她大讚說：「佢親和力好強，同佢做對手戲唔會好驚，佢會令到我好想同佢傾偈，合作得好開心，好似多咗個哥哥咁！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
