台灣藝人吳奇隆飾演嘅「四阿哥」形象深入民心，可惜隨着男神年齡漸長，外貌及身材都備受外界關注。而繼早前吳奇隆嘅凸腩發福身形掀起熱話後，近日吳奇隆嘅皺紋亦再次惹起熱議。
日前喺上海出席活動嘅吳奇隆，巧遇內地女星徐曉晰，而事後徐曉晰亦將2人嘅合照甫喺社交網，並開心寫道：「巧遇霹靂虎，哼起青蘋果樂園。」只見身穿牛仔外套，打扮悠閒嘅吳奇隆，對住鏡頭開心做出勝利手勢，而塊臉望落亦好似瘦削咗唔少，雖然吳奇隆笑容滿臉，不過就對眼就相當攰嘅感覺，眼袋略大外，唔知係咪因為光線問題，猶如「死亡光線」嘅照射下，魚尾紋更係多到炸裂，甚至有眼尖網友直指呢張相明顯就係修圖後，只係估唔到連修圖都遮唔到昔日男神臉上嘅歲月痕迹。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
