今日係11月3日，幸運星係雙魚座，同身邊人分享好運，人際關係可望大躍進。劉詩詩就係雙魚座，穩坐內地一線女星地位嘅佢，一舉一動備受矚目，而早排內地網絡就流出一張佢拍廣告時，雙眼無神又憔悴嘅崩壞相，網友仲話佢望落似50幾歲，遭到惡意詆毀，佢嘅粉絲即時甫出一系列零修圖靚相，幫偶像護航，由此可見，詩詩人氣勁高，人緣都真係唔錯噃。
今日係農曆九月二十，宜整路、祭祀、飾垣，最旺生肖係猴，屬猴嘅你正財運旺，努力工作可望多勞多得。「軒公」張敬軒就係屬猴，近排佢密密接代言廣告，淨係今年起碼接咗超過10個咁多，佢仲好搞笑咁話，全身都有個價，依家增磅練大隻想「賣肉」，連除衫都冇所謂，但係佢就話跑數好辛苦，仲搞到晚晚冇得瞓，雖然話你今日會多勞多得，不過都要注意身體。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
