天王郭富城經常到馬場支持愛駒「舞林密碼」，今日（26）佢與太太帶埋兩個女兒入場，似乎胸有成竹呀！佢哋一家四口同樣戴上黑超，着上「白色家庭裝」，相當溫馨，成為全場焦點。城城大晒父愛抱起囡囡，仲係咁逗個女玩之餘，又一齊望鏡頭影揮手影相，而囡囡都好多表情，好得意呀！而城城2個女愈大愈精靈可愛，盡得父母優良基因。
到愛駒出賽時一度似有勝望，城城當然嗌得肉緊喇，但可惜賽前大熱嘅愛駒最終只能跑第3，城城一家未能入凱旋門拉頭馬，相信會有點失望，不過城城心情就未有大受影響，抱住囡囡離開時，依然面露笑容，果然係有女萬事足呀！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
