陸永老婆陳莉娜（Reina）近日不時直播分享生活，話題除咗兩個女之外，日前喺直播時，Reina亦提到自己多年嚟都靠安眠藥才能入睡。 「副作用係我成日夢遊，夢遊嗰陣我係知自己做緊乜，不過第二日起身係完全斷片唔知做過咩，而我夢遊大多數做嘅嘢就係食嘢。」
雖然有網民提醒Reina 安眠藥有副作用，又提議佢放鬆心情可以改善失眠，但Reina就話自己已經太多煩惱，例如會擔心兩個女考試成績、又會因為工人姐姐煮嘢食水平而擔心，而她亦有睇醫生，被診斷為焦慮症。「我試過唔食安眠藥，好攰諗住瞓到，點知40個鐘頭都瞓唔到覺，超級攰但個人好亢奮，合埋眼但個腦不斷轉，所以之後都係食番！但而家開始戒緊，醫生話我食得太多年安眠藥喇，要戒吓，所以要我食血清素。」但Reina指服用血清素後身材又肥又腫，因為長期食好少嘢都唔覺有減到磅數。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
