內地頂流女星劉詩詩，所主演嘅《一念關山》播出即掀起熱議外，第一日嘅在線觀看人數更直接破百萬，人氣驚人。
電視劇《一念關山》開播首日就已經可以見到劉詩詩嘅精湛演技，從扮演弱質纖纖嘅舞姬到殺人如麻嘅朱衣衞，無論從氣質到眼神都畀人一種明顯嘅角色轉變，如今時隔6年再拍古裝劇嘅劉詩詩，影響力依然驚人。
而劇中劉詩詩同搭擋劉宇寧嘅互動亦成為觀眾嘅焦點，劇中強強聯手嘅2人更被網友封為「雙頂劉CP」，對於首次孭飛嘅劉宇寧亦透露道：「非常喜歡這部劇，也非常喜愛寧遠舟這個角色，愛到無以言表、愛到瘋狂。」而劇集出街後，唔少網友都激讚劉宇寧聲音低沉，語氣穩得嚟仲有種上位者嘅壓迫感及決斷力，感染力超強。
對於同頂流花旦合作，劉宇寧亦表示一開始有聽聞劉詩詩個性慢熱，所以自己有主動熱情一啲，更對劉詩詩直言：「我聽說你慢熱，所以我把我自己熱的速度調快一點，我尋思來熱熱你，結果你比我快呀！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
