湯洛雯與馬國明婚禮照片終於曝光，一眾兄弟姊妹團、賓客紛紛晒出當日照片，包括朱千雪、林子善、胡鴻鈞、劉穎鏇等，其中擔任姊妹嘅高海寧亦有PO相，見佢的確如湯洛雯所願，成功接得花球，高ling開心表示：「一個靚到癲、Sweet到爆、好玩到唔願訓既婚禮，再次恭喜！」大批網民恭喜佢接到花球，仲紛紛留言指：「下個輪到你。」
有份觀禮的莊思明接受東網訪問，佢表示：「好開心好感動，我同阿湯喺《愛．回家》嗰陣識，都有10幾年，一齊經歷咗好多嘢，一齊成長，依家睇到佢嫁人，真係好感動。佢行禮嗰陣，由爸爸拖住佢行出嚟，我見到佢着婚紗，即刻忍唔住標眼淚，覺得真係大過女，要嫁人做太太啦。好開心佢搵到馬國明，一直覺得阿湯係個好女仔，佢好有義氣、性格好真誠唔做作，值得有個好男人畀佢負託終生。馬明嘅出現令到佢成熟咗、再溫柔咗，佢哋兩個喺埋一齊令大家都變得更好。」又祝福2人早日生B。
蔡思貝表示：「能夠有幸做到佢嘅姊妹，其實我好開心，今次其實都幾驚險，因為差啲就去唔到佢婚禮，因為咁啱撞咗拍攝工作。所以最後尾我一到埗就即刻去佢個儀式，可以見證到佢哋對大家嘅愛的宣言，我好感動亦都替佢哋兩個好開心。祝福佢哋一輩子愛護大家，幸福快樂。」
高海寧接受東網訪問時表示：「係呀，最後係我畀花球掟中咗嘅，個花球仲係直接打中我塊面同個頭度，好開心啦，我知靚湯好想我接到，係一個祝福，接花球前岑杏賢同我講話，當初係朱千雪度，佢都係畀花球掟中咗嘅，跟住佢好快就識咗佢老公啦，新娘仔係旺啲嘅，即係想嗰樣得嗰樣，大家都好戥我開心，嗰晚玩得好盡興。」
高Ling又指整個婚禮好溫馨、甜蜜，由早上見證靚湯向長輩斟茶開始，到行禮時聽一對新人講愛的承諾，其中最難忘是於晚宴上在台上分享對新人的祝福，她說：「大家都講好多嘢，仲講到喊，我覺得整個婚禮極溫馨，靚湯所有嘢包括場地布置，我哋啲姊妹裙都揀得好好，佢自己幾套衫都好靚好完美，佢直情係喺眼神中都透露幸福同笑意。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
