藝人鄭嘉穎近日與昔日好兄弟馬國明傳不和，除佢同太太陳凱琳暗示好大機會唔出席馬國明婚禮、缺席好友聚會係因為「浪費時間」等言論外，就連鄭嘉穎表弟王賢誌都疑割席撇清關係！
王賢誌於社交平台發文暗示：「始終都係日久見人心，幕前幕後兩個樣其實我早就見識過所以一早已經放棄同呢個人有任何聯繫，如果問起我佢嘅嘢，Sorry佢唔係我邊個連朋友都講唔上千祈唔好再問我。」
東網就發文問王賢誌有冇留意表哥鄭嘉穎同馬國明傳不和新聞？佢只回應：「我淨係留意到有人解讀咗我寫嘅嘢啫。」當再問佢所指「呢個人」是誰時，王賢誌則冇再回覆。
其實早喺2019年，王賢誌就已經公開撇清同鄭嘉穎嘅關係：「佢唔係我朋友嘛，最近少聯絡，佢好難搵，佢都要睇住老婆啦。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
