57歲女星周海媚尋晚（11日）驚傳死訊，消息震驚中港台三地，加上其身邊工作人員均拒絕回應消息，令傳聞更加似層層。今日（12日）凌晨，內地著名編劇譚飛即出面代為闢謠：「周海媚未過世，請各界勿以訛傳訛。」前TVB時政記者亦網上闢謠，指周海媚仍喺醫院治療中、昏迷中，不過周海媚工作室仍未就傳聞發言。同時，最早傳出周海媚離世噩耗嘅爆料者亦已將該發文刪除。
隨後網上即傳出周海媚尋日因血小板問題而喺北京順義家中暈倒，一度昏迷，工作人員即急急將佢送院，經幾小時搶救後已經脫離危險期，不過消息未被周海媚方證實。稍早，網上有傳曾周海媚係因紅斑狼瘡症誘發急性病而「離世」，不過有網友搵出昔日周海媚就曾闢謠患紅斑狼瘡一事，以正視聽。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
