今日係12月29日，幸運星係雙子座，職場上贏得好口碑，記住滿招損謙受益。張栢芝就係雙子座，早前佢就上咗內地綜藝節目，提到被人話又老又過氣，佢就好大方話：「我反而覺得很開心，你說我過氣了，就是我曾經享受過最好的時刻。」之後栢芝補充：「不會否定自己，在這一行沒有自信，不管你有多努力，多優秀、多漂亮都沒用。」回應夠晒霸氣。
另外，佢喺內地出席活動，有成千上萬人圍觀，搞到水洩不通，而公認靚女嘅佢梗係唔怕生圖曝光，見佢五官精緻不變，美貌重回巔峰，仲被讚係最強混血女神，單靠靚樣已經夠煞食，完全唔使賣弄性感而出位，自然贏盡口碑啦。
今日亦1農曆十一月十七，宜大事勿用，最旺生肖係龍，屬龍嘅你萬事大吉，做事游刃有餘、如虎添翼。黃心穎就係屬龍，早排佢就同RubberBand鼓手泥鯭拉埋天窗，正式升呢做人妻兼度完蜜月返港，兩個人仲頻頻出席家庭聚會，而心穎仲同幾姊妹，一齊去主題樂園玩，見佢打扮密實錫身，長衫搭長褲，令網民估佢疑有身孕，今日心穎你萬事大吉，如果真係有喜就唔怕講，大家都會祝福你。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
