藝人高海寧（高Ling）有份出演嘅台慶劇《新聞女王》現正熱播，唔少觀眾都對劇中飾演記者許詩晴嘅佢讚賞不已，而高Ling亦非常落力喺社交網為劇宣傳，不時都會晒靚相同粉絲互動。
日前佢分享咗自己去捐血嘅短片，並寫道：「昨天收到紅十字會的電話，急需我的血型的血液，今天工作空隙即刻跑去捐血。中學時期已開始捐血，但還是忍不住會緊張，睇我緊張到硬晒肽。」之後又呼籲粉絲齊齊捐血，「護士告訴我哋中海貧血症患者每隔一個月就要輸入3包紅血球，還有其他患者也可能需要定期輸血，捐血救人，人人有責。」網民紛紛留言大讚女神人美心善，不過亦有人表示好奇佢係咩血型，紅十字會直接打電話叫佢去捐血。
原來高Ling係稀有嘅「熊貓血」，佢曾喺2020年就分享過自己捐血嘅相，當時仲晒出自己收到嘅紀念品，上面寫有「香港僅約0.7%人口為負型血，屬非常罕有，故負型血又稱為『熊貓血』」雖然次次捐血都會好緊張、好驚，但高Ling依然都經常去捐血，女神真係人美心善呀！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
