談到劇集《新聞女王》的好成績，高海寧表現得十分開心。觀眾們都十分期待《新聞女王》的收視慶祝活動。高海寧接受《香港01》訪問被問到如果收視達30點，會有什麼慶祝活動時，高海寧就回答：「要Man姐同意情況下，覺得OK嘅話，我哋可以全力配合佢。如果真係去到30點，我覺得我哋可以準備多啲慶祝活動，一定會畀到驚喜大家。」
早前高海寧飛到蘇梅島參加馬國明和湯洛雯的婚禮。她表示當地環景大分美麗。她說：「嗰個地方好靚，佢哋揀間酒店仲要係海邊，住嗰間房仲要係兩層，樓下係廳，有兩間套房，仲有私人泳池，每間房都有呀！好誇張㗎！場地佈置好靚，個攝影師仲係特登法國飛過嚟。」
高海寧續說，做姊妹的她們基本上是由早上喊到晚上，感動了一整天，拋花球的環節中，高海寧更被花球直接拋中。她說：「其實我冇諗住爭，個花球係飛，撞到我個頭，我就接到。跟住佢哋都話係你㗎啦。」
高海寧續說，大家都表示岑杏賢也是以同樣方式在朱千雪的婚禮中「接到」花球後，隔了一段日子就結婚。她說：「大家都話到我，好啦好啦，咁我就期待吓。」不過高海寧就表示「真命天子」連影到冇，她說：「唔好話拍拖，就識人都冇乜機會，但係唔緊要嘅，如果事業好啲嘅話就把握機會做好先。感情嘅嘢隨緣啦，啲人話要到就擋都擋唔住。」
有關於對另一半的要求，高海寧表示現在已不再思考這個問題，她說：「到呢個moment我已經唔再諗啦，當然我知我大概想要一個點樣嘅人，不過我唔會限制自己想點。我諗首先佢要尊重我份工作，識欣賞我份工作，價值觀相同，同埋相處舒服，因為係過一世。」
《新聞女王》亦有一套重頭劇《飛常日誌》排期上映，劇集由馬國明、蔡思貝、高海寧、洪永城、朱敏瀚、劉穎鏇等人主演，光看陣容已經夠吸引，而且劇集更是用全實景拍攝。高海寧說：「我哋會入到機場全心臟位置，即係個中央控制塔。機場都好好，畀咗好多位置我哋拍，但係我哋都需要就返佢哋工作時間。譬如馬明係拍中央控制塔嘅嘢，就只係得夜晚凌晨時間可以拍，嗰段時候孩機少啲，我哋就可以佔用其中一部分。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
