今日係12月24日，農曆十一月十二，宜嫁娶、動土安葬。今日最旺生肖係雞，談笑風生，有利傾生意成事機會高。視后唐詩詠就係屬雞，雖然離開無綫但愈住愈豪，早前仲秘密搬入月租6萬嘅北角海景豪宅。無約一身輕嘅佢，積極籌備舞台劇，仲北上拍節目。日前預告有機會拍劇及電影，而拼搏多年，佢近來終於有時間休息啦。
日前唐詩詠激罕公開自己嘅水着福利相，一向密實嘅佢一反常態，分享咗兩張喺泳池暢泳嘅相，喺第一張相中佢大擺甫士；另外一張相佢碧波暢泳，而佢嘅美臀同白滑長腿喺水中若隱若現，令唔少網民都鼻血直流。
今日就幸運星就係獅子座喇，各方面運勢都不錯，可望迎來愉快的一天。近排忙住開世界巡迴個唱嘅陳奕迅（Eason）就係獅子男。上個月個唱終於嚟到內地，等到成班粉絲頸都長埋，連內地視后孫儷都有去上海撐場，仲喺社交網留言話，當Eason一開聲佢就喊出嚟，希望Eason繼續唱多啲好歌，畀粉絲們聽，好似歌詞所表達︰「感謝永遠有歌，把心境道破」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
