今日係12月23日，農曆十一月十一，宜整路、飾垣。今日最旺嘅生肖就係蛇，財運不錯，有投資打算可以試一試。近排投資開餐廳，做老闆嘅龔嘉欣就係屬蛇，喺短短幾個月已經開咗3間，佢仲透露會喺下個月再開多兩間。投資進取嘅佢冇因為做老闆，而放棄演藝事業，近排仲拍攝新劇《企業強人》，事業為重嘅佢竟然話想賺更多錢，已經放棄結婚，咁努力搵錢，財運唔好都好難喇。
日前有網民喺街上偶遇龔嘉欣，佢打扮非常隨意並以素顏上陣，驟眼睇同一般嘅路人冇太分別。近來榮升為老闆嘅佢，更被個個直呼為「老闆」，睇嚟努力搵錢嘅形象，已經深入民心。
今日嘅幸運星就係雙魚座喇，財運好到極，謹記發財要立品，多做善事。阿Kay謝安琪就係雙魚女，近幾年老公努力接戲拍都唔使老婆。財來自有方，阿Kay唔使出去做嘢，喺屋企印印腳等收錢。張繼聰除咗擔起養家嘅重擔之外，有時間仲會同老婆出街拍拖，兩人結婚16年仲係咁恩愛，好似幾個月前，兩公婆特登去蘭桂坊慶祝萬聖節。佢哋仲要一齊着米白色外套，公開放閃嘅佢哋，見到都覺得耀眼。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
