今日係12月27日，農曆十一月十五，宜動土、安床、理髮，最旺生肖係馬，屬馬嘅人貴人運強，有利傾公事，要抓住時機呀。「馬國女神」林明禎就係屬虎，明禎BB不嬲都係唔少人嘅夢中情人，佢早排出席活動時，有內地網民就話，見到女神真身好失望，形容佢頭髮油膩，腰間驚現贅肉，仲質疑佢整容，不過明禎BB唔單止冇嬲，仲好搞笑咁話，要搵影呢張相嘅人出嚟，咁高EQ去應付Hater，難怪網友都讚好，似乎唔使貴人出手，自己都搞得掂。
今日幸運星係金牛座，幸運指數排第一，單身者可打破感情悶局。楊洛婷就係金牛座，佢同Dear Jane主音Tim結婚9年，一直非常恩愛，不過早前無綫小花何泳芍就上載一條健身片，鏡入面出現一名拎住手機嘅男子，被網民認出係Tim，楊洛婷就解畫話鏡入面的確係佢，不過就唔係影緊何泳芍，100%信任老公。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
