梁朝偉劉德華的無形默契
三位主角梁朝偉、劉德華與蔡卓妍一同上台分享拍攝點滴，劉德華表示︰「雖然平時好少（跟偉仔）見面，但一見番就好似老朋友一樣，好合拍。」偉仔就覺得跟華仔的默契，是建基於開始做演員的時候，「當時我們已經是好好朋友，建立了一份信任，在演戲上目標相同，所以有種無形默契。」
提到再次與莊文強導演合作，劉德華就講出一宗鮮為人知的事。「我認識莊文強早在90年代，他是我公司其中一個編劇，公司接到第一個廣告就是由莊文強創作，『未出發先興奮』就係出自佢手筆，所以今次再合作，同佢之前的創作一樣，未拍先興奮。」
激吻場面被嘉玲姐投訴
至於提到戲中阿Sa與梁朝偉有一場激吻場面，被主持問到拍攝時投唔投入？阿Sa立即反問身邊的偉仔︰「你投唔投入？」偉仔爽快地答︰「我好投入呀！」不過阿Sa就爆料，話嘉玲姐看過試片後，有感到「唔滿意！」
阿Sa︰「嘉玲姐睇完話我應該再狼死啲，我話在我程度上已經好狼死喎！」主持人隨即反問梁朝偉，覺得對方夠唔夠狼？梁朝偉突然放空，慢半拍地回應︰「我覺得……點都好啦……佢覺得呢個程度啱就得」回應得尷尷尬尬，笑爆全場。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
