憑電視劇《新聞女王》榮登三料視后的佘詩曼（阿佘）之前傳跟《新》劇的拍擋何依婷不和，有指何依婷疑暗寸阿佘跟角色相似，其後阿佘在頒獎禮的台上逐一跟同劇演員攬攬，唯獨未有攬何依婷，令不和傳聞甚囂塵上。
今日（19日）阿佘在社交網出Po，上載多張跟《新》劇演員攬到實的合照，當中包括傳不和的何依婷更一人獨得兩張相位，並配文點名大讚何依婷：「想講吓呢個妹妹仔何依婷，第一日『新聞女王』圍讀俾我嘅印象係唔係好出聲，但係有主見嘅，跟住到第一日開工手揗腳震但係好俾心機嘅，忍唔住話俾佢聽應該點做，連續開咗兩日後佢同我講：「哦...原來演戲係咁嘅」果然係學霸，好聰明，依家出嚟嘅成績，大家有目共睹，唔錯吖我曾經都係新人，新人係需要大家嘅包容同埋慢慢接受，大家一齊俾啲時間佢徐曉薇我期待你嘅蛻變唔好令Man姐失望，加油！」以實際行動打破不和傳聞。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
