曾於《律政新人王II》飾演馬國明養女「辛家寶」而為人認識嘅冼迪琦（小迪）早前加入台灣啦啦隊做練習生，唱得又跳得嘅佢，身材亦相當火辣，經常會喺社交網派福利，讓粉絲大飽眼福。
不過近日佢就社交平台發文分享自己最近遇到嘅可怕經歷，令大家都膽戰心驚。佢透露自己喺西門捷運站附近行街時，被兩名韓國女仔以練習中文為由搭訕，隨後拎出一本黃色小冊子，開始介紹「父親上帝」、「母親上帝」。由於冼迪琦小學就讀基督教學校，亦有聽過唔少聖經故事，佢逐漸意識到對方所講嘅事物同自己認知嘅有好大出入，令佢開始懷疑佢哋嘅目的並非想要練中文，更想起之前有新聞指韓國攝理教喺台灣出沒。所以佢即刻以趕車為由離開，佢直言：「離開當下又很怕她們會不會把我打暈帶走」並提醒獨自出門嘅女仔千萬小心。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
