視帝陳展鵬與太太單文柔(Phoebe)自2018年結婚後，育有愛女「小豬比」，一家三口生活幸福美滿。陳展鵬亦一改cool爆個性，成為愛妻號及暖男爸爸，成日都係滿面笑容，談起老婆囡囡時一副冧滋滋。昨日（14日）係情人節，原以為2人會趁機在社交網大曬恩愛，點知陳展鵬竟激到太太動怒大罵。
事緣陳展鵬喺社交網分享一段影片，片中2人準備出門時，心急嘅展鵬不斷催促：「快啲喇，行快兩步喇！」令老婆相當唔耐煩，怒問：「你做咩係咁叫行快兩步啊？咩事咁急啫？」陳展鵬解釋道：「唔行快兩步，又點樣追到我偶像呢？」這句話更加激起老婆的不滿，問到「邊個係你偶像啊？」隨後陳展鵬攞出電話，並播放賀年歌《財神到》，單文柔見此即怒斥：「你一直催、催、催，催到我妝都化唔到，你知唔知咩叫開年？」，見到老婆發火，都心知不妙嘅展鵬即「五體投地」，不斷講「好說話」同老婆認錯，而單文柔則拎住竹棍，坐喺陳展鵬背上擺出女王姿態。
原來呢個只係佢哋拍攝嘅賀年短片，用新招晒恩愛，令網友都紛紛大讚，「耍花槍都咁Sweet」！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
