歌手吳浩康（Deep）跨界做地盤工人，自力更生好男人形象令人氣急升。不少人將他與昔日同門張致恒作比較，Deep坦言一直當對方是好朋友，不會落井下石，更公開呼籲雯雯「唔好公開搞老公」。
Deep擔任周國豐和伍仲衡節目《周五有周伍》嘉賓，吸引逾2,000網民睇直播，節目中傾足3小時，Deep本為開工不足去做地盤：「接受唔到屋企人捱肚餓，接受唔到老竇要考慮出番嚟做嘢。」坐言起行考平安卡，每星期返四、五日地盤，再加教唱歌每日只睡5小時，他感謝網民支持近日財政問題已解決，但因為早答應老闆會完成工程，重視承諾會繼續到地盤返工。
提到同期出道的樂壇新人伍仲衡說：「張致恒幫你唔少喎！」Deep尷尬微笑回應：「都係嘅！我出第三條片嗰陣，有個工友同我講，你再出呢啲片，你個friend死喇喎！（好friend？）係，仲有聯絡嘅！」雪中送炭非人人做得到，Deep指自己都曾在低谷希望好友都能重新出發，並勸勉：「唉...佢老婆唔好搞佢（佢老婆唔會唔搞佢？）我意思唔好公開搞，畀啲空間佢搵吓食！點解唔介紹佢返地盤？完咗之後話畀你知！我自己站於朋友立場，總之我價值裏面，呢個人未至於係要放手割席嘅人。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
