DJ鄭啟泰向未婚妻王雁芝（Angie）求婚成功後突然病逝，未婚妻Angie雖然表現堅強，不過連日來仍不斷喺社交網晒出回憶合照，表達出對鄭啟泰濃烈嘅思念之情外，早前更晒出鄭啟泰於劇集《本尊就位》嘅演出截圖，直言：「最近最火男演員，日日都有你。」而日前（16日）播出嘅處境劇《愛．回家之開心速遞》，又再有鄭啟泰嘅演出，Angie更分享道：「原來蔣金買咗個島添呀！我要睇翻尋日嗰集喇！」
喺日前播出嘅《愛．回家》中，劇集未段熊家人去咗「姬臥群島」，鄭啟泰亦以島主身份現身，雖然剩係短短幾分鐘嘅演出，但就令觀眾驚喜萬分，紛紛留言道：「係鬼怪鄭啟泰呀！」、「估唔到呢集會係鬼怪遺作篇！」、「島主是鄭啟泰，這集已拍了很久了。」、「好明顯已經拍咗好耐。」、「係呀，我都好掛住泰哥吧！」另外，亦有網友問道：「珍惜每一個鄭啟泰演出嘅畫面。另外，蔣金係咪因為追唔到ma姐變身成為島主？」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
