海報上美斯樣貌被福字揮春遮住。
國際邁亞密球星美斯訪港「齋坐」一事，牽連甚廣，令原定3月去中國踢熱身賽嘅阿根廷國家隊都未能成行，據悉將改去美國比賽。身為阿根廷國家隊贊助商之一嘅庫迪咖啡亦同美斯割席，宣傳海報之中用福字揮春遮住呢位36歲球王嘅樣貌。
庫迪咖啡係中國連鎖咖啡品牌，剛於2022年成立，上年6月同阿根廷足總簽約，成為阿根廷國家隊全球贊助商，希望藉以迅速提升品牌知名度。庫迪咖啡店內嘅阿根廷大型海報上原本有美斯、迪羅保、安素費南迪斯，內地傳媒發現，美斯樣貌近期被福字揮春遮住，相信係咖啡店擔心被「齋坐」事件影響形象。
經此一役之後，可能亦會影響其他中國公司贊助阿根廷國家隊嘅意欲。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
