視帝馬國明同老婆湯洛雯（靚湯）正值新婚時刻，早前靚湯更喺社交網晒出夫妻同框嘅合照放閃外，同時更為家中嘅2隻愛貓之一「BB」慶祝3歲生日，恩愛生活羨煞旁人。
然而，天有不測風雲，日前靚湯就喺社交網透露自己帶「大仔」去打疫苗，未料番到屋企後，大仔開始肚屙，跟住鼻變得鮮紅外，連眼都腫埋兼呼吸急速，嚇到靚湯即刻帶大仔去睇醫生，要打抗敏針及止嘔針之餘，仲要瞓氧氣箱，見到毛孩咁唔舒服嘅靚湯，亦直言：「個心痛到啲眼淚狂飆！」不過好彩半個鐘後，大仔不適嘅症狀紓緩唔少，之後亦帶番屋企繼續觀察，而醫生亦直言好彩靚湯及時帶大仔睇醫生，如果唔係後果不堪設想呀！而隨着靚湯驚心動魄嘅分享，亦引嚟唔少網友留言分享自己毛孩嘅經歷，引嚟靚湯回覆道：「原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
