藝人何依婷之前憑着《新聞女王》一劇人氣急升，更於內地及香港吸納不少粉絲，日前(23日)生日正式踏入30歲的她，獲得不少好友及粉絲為她慶生送福，最特別的是有粉絲應援於旺角買了大屏幕廣告版，播依婷的生日片祝她生日快樂。亦有香港及粉絲於貼紙相機加入依婷生日的人生四格，相當有心思，令依婷開心不已。
依婷接受東網獨家訪問時謂：「好開心，好多謝佢哋嘅心思，我自己都有親自去打卡同埋影貼紙相留念，亦有好多朋友送禮物同蛋糕，覺得自己被愛包圍。」說到正式踏入30歲，她坦言希望事業上可以有更大的突破。已榮陞人妻的她謂：「覺得自己真係長大咗，要花多啲時間陪屋企人，放假都會多啲抽時間見佢哋，生日都係媽媽受難的一日，多謝佢千辛萬苦生咗我出嚟，希望今年抽到時間帶屋企人去旅行」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
