無綫花旦朱晨麗（朱朱）和何廣沛這對緋聞男女分手後，現各有另一半，朱朱更傳出今年將下嫁富二代史昊洺。據知在農曆新年期間，何廣沛曾拜訪「玄學天后」雲文子預測今年運程，未知肖龍的他是否趕結婚沖喜，故請教雲師傅擇定好日子呢？
雲文字接受訪問時，被問到何廣沛今年可宜結婚？她說：「佢係嚟睇奇門遁甲，佢想知做啲咩嘢可以提升運氣，其實我一直幫緊佢，由拍《破毒強人》時，我已經幫佢催運，直至播出《新聞女王》後，到依家個效果都好理想，外界對佢評價好高，連內地市場都有回響，（有冇叫佢結婚呀？）雖然結婚、生B可以沖喜化太歲，但佢今年不宜有大變動，所以我覺得佢都係專注番事業先，因犯太歲關係，佢下半年運氣較好，發展會較快，仲會遇上有發揮嘅機會添，我會繼續幫佢提升架啦。」她補充何廣沛桃花旺，代表和女友感情穩定，而女友亦相當旺他。
另外，有傳ViuTV曾秘密傾她參加中女選美真人騷《美麗40路》，雲文子坦言：「因為某啲因數已經婉拒咗電視台，不過我嚟梗會同ViuTV有合作嘅。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
