已故賭王兒子何猷君同內地名模老婆奚夢瑤婚後育有一子一女，奚夢瑤生囡囡後積極現身幕前，而熱愛濕平嘅佢就成日都拍開箱片，前日（12日）佢就上載最新unboxing片，當中佢就提到自己為愛女買咗好幾樣嘢，因為佢好想同阿女玩母女裝，認真sweet爆。
奚夢瑤入手一個超細size奢侈品牌手袋畀囡囡，佢自己就入手相似顏色嘅正常size，希望同囡囡用「母女款」手袋，據知兩款手袋分別售價約27,000港元及29,000港元。奚夢瑤仲買咗另一潮牌同款唔同大細嘅粉紅色手袋，同樣係「母女袋」，分別售價約9,000港元及34,800港元，奚夢瑤愈拆愈興奮，即對鏡頭表示：「這個是我最近最甜蜜的一個時光之一！」同時，佢為咗阿女可以有嘢襯手袋，仲買咗個粉紅色心形髮夾，該款髮夾綴有水晶飾邊及標誌性品牌Logo，售價3,100港元。
其實奚夢瑤之前亦曾拍片大晒被網友戲稱「小廢包」嘅迷你名牌手袋珍藏，表示係留畀愛女大個啲之後用，前前後後總值超過12萬，令網友係咁嗌羨慕，話好想做佢個女！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
