場地提供：香港康得思酒店
姜大衛被問到當年結婚決定時，依然Man爆說：「我理得咁多啫，結婚咪結婚，嗰時我太太已經有咗BB。（奉子成婚在那個年代會否特別避忌？）我諗有，但我唔care，我嗰時係反叛嘅人，別人說唔可以乜呀，我話點解唔可以呀！即係想做就做囉，老闆都阻唔到。（可能一結婚便一無所有？）嗰時唔知㗎，同埋有咗BB仲唔結！」
夫妻間不能沒有對方：起碼每日一次
50年前的5月20日，姜大衛與李琳琳簽紙結婚，選在「520（我愛你）」當日結婚看似浪漫，但姜大衛笑言並非刻意，只是排期剛好那一天。不過可以肯定的是，二人攜手走過半世紀，夫妻至今依然恩愛如昔，姜大衛冧爆說：「我哋而家兩個人，唔可以缺少和冇咗對方，點解我唔知，一定唔可以冇咗對方。我哋唔可以話只係愛情、唔係激情，總之我哋兩個人係唔可以分開。」
姜大衛笑言：「最簡單話你聽，唔好諗歪呀，我哋起碼每日一次。如果我哋唔喺一齊嘅話，起碼1至2次嘅電話，話畀佢聽我收工啦，或者我而家放飯呢啲，呢啲嘅關心一定要有，就算我老婆開工時佢都會咁做。」
兩公婆有拗撬一定會，姜大衛與太太也不例外，但他認為兩個人在一起是很難得的，大家意見不同吵架是可以，但一定要平心靜氣的吵架，還有絕對不能動手和不能講粗口，「我哋通常都係黑面、唔出聲，亦唔會話鬧好耐，可能問句：『食飯未呀？』然後大家就傾返偈就冇事。」
談到太太48歲高齡為他誕子，姜大衛強調自己並非傳統「仔命」，3個小朋友都是順其自然發生，「當時太太仲以為係更年期，我哋都有傾過（唔要），始終年紀大，但後來狄波拉等好朋友都話一定要，所以我老婆都好叻。」
放下一切陪太太抗癌
至於兩公婆經歷最大的難關，莫過於是太太在2011年確診患上大腸癌，癌細胞曠散到淋巴，姜大衛坦言當刻心情晴天霹靂，雖然現時好過來，但他依然時常擔心著太太，只要現時對方有少少不舒服，他都會非常擔心，言語間充滿愛。
回想太太患癌期間，強如大俠也無能為力，「當時只可以擔心，我哋又唔識做乜嘢，好彩醫生幫佢割咗腫瘤。但辛苦在去化療，化療係好辛苦，每次化療完喺醫院出嚟，唔食得、唔瞓得，係好攰，但啱啱精神返又要去了，成10次定12次，好彩佢都捱過咗。」
姜大衛直言見到太太做化療那段時間心裏面很赤，能做的只有陪伴，所以當太太完成化療後，他便放下工作一年多近兩年時間，全程陪伴對方踏上康復之路，兩人每日在屋企樓下圍圈散步，「佢行10個，我就好似行20個，因為做過呢啲手術係會唔夠氣，所以佢慢慢行，我就快行。」
經歷生死邊緣，又去到這個年紀，姜大衛直言與太太都明白，誰「走先」都好，始終都會「走」，所以他們不會怕，最緊要活在當下，「最重要嘅係，我哋而家唔可以冇咗對方，但萬一冇咗對方，你都要生存落去，呢樣我哋已經好清楚。」
鼓勵太太復出拍戲
最近太太息影30多年復出拍攝電影《從今以後》，就獲得柏林影展泰迪熊「最佳劇情片」。姜大衛透露有段故，原本是兒子面試妮哥潔曼套戲，太太幫手在面試片中出現演返媽媽，豈料最後兒子不中太太中，太太開頭都拒絕，但導演非「她」不可，最終加了很多片酬，及在家人遊說下答應了，但都很辛苦，完成香港拍攝後，太太要一個人到美國拍攝，他和兒子有工作在身未能陪伴，故全家人都很擔心，因太太幾十年未試過一個人坐飛機，當時又疫情要健康碼，又要轉機，甚至如何用電話、用wifi她都不懂，但最後又被她搞掂。
姜大衛續言接住《從今以後》的導演楊曜愷又找上太太，當時太太都是拒絕，因為剛剛才拍完一套，但看完劇本覺得題材特別，便吸引了太太拍攝。如果太太戲癮發呢？姜大衛笑言：「咁佢做，我退休了，你養我囉！（會否鼓勵太太復出？）無所謂，我覺得ok嘅，做呢行如果你做，對身體各方面仲好，因為有個寄托同興趣。」
作為當紅大俠，當然吸引不少狂花浪蝶埋身。姜大衛承認婚前婚後都有女生主動向他「示好」，但統統被他拒絕：「黑面已經夠啦，我黑面妳仲唔驚我？」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
