今日係3月8日，農曆正月廿八，宜嫁娶、動土、交易，是日最旺生肖係猴，事業順利，做事得心應手，面對競爭也毫無懼色。「軒公」張敬軒就係屬猴，佢喺1月初勇奪「叱咤樂壇我最喜愛的男歌手」，歌唱事業再創高峰，之後又瘋傳佢會拍無綫劇集《黑色月光》，事關網上曾經流傳該劇的參演名單，竟驚現張敬軒友情演出，呢套劇亦都係視后楊茜堯回歸拍攝嘅作品，有望見到二人鬥戲。但係張敬軒嘅經理人就表明冇咁嘅事，從未聽聞佢會加入劇組，不過「軒公」做事得心應手，不如真係諗吓進軍電視界啦。
今日幸運星係雙子座，人逢喜事精神爽，讓自己做些感興趣的事。迪麗熱巴就係雙子座，早排出席內地春晚表演，喺換場走位時唔小心跌倒，當眾屁股着地，好彩佢十分淡定，即刻起身迅速走位，網民都讚佢專業，春晚之後休息咗一段時間，終於喺社交網現身，叉足電嘅佢精神飽滿，仲戴上小狗耳朵嘅頭箍，擺出可愛表情，真係萌到爆，睇嚟真係人逢喜事精神爽。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
