「十優港姐」麥明詩傳將於3月尾下嫁前藝人、飛機師男友盛勁為，二人由求婚到搞婚禮都一一開心Share，成為全城關注事件，尤其麥明詩主動向盛勁為求婚，出動名錶打動男友心，被大讚係現代新女性。最近佢就開始同盛勁為合體出動派喜餅，成雙成對咁放閃，真係勁冧豬。
雖然早前麥明詩講過個婚禮係佢揸主導權，不過佢對未婚夫嘅愛都一樣咁甜，就好似準新郎盛勁為喺社交網自爆特別去Salon剪頭髮，寫道：「以前好少整理髮型，依家有人叫我要執執佢。」竟有網民留言道：「他靚過太太。」雖然網民踩自己抬高盛勁為，不過麥明詩都好大方回應：「咁就好喇。」即被讚大量又有教養，望住未來老公對眼都充滿愛。
與此同時，今日（7日）流傳一張請柬，婚禮將於3月24日在吉列島遊艇會舉行，婚禮更取兩位新人的名字，取名為「勁甜麥」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
