39歲的鍾嘉欣（Linda）自2015與脊醫老公結婚後，就開始淡出幕前，專心照顧家庭，並努力經營社交網，不時會回港賺外快。近日網上流傳多張疑似鍾嘉欣嘅童年照，有不少單人相同家人嘅合照，上載相片嘅網民留言叫大家估相中人是誰。其後有大批網民加入「猜猜她是誰」嘅遊戲，雖然並冇指明她係「鍾嘉欣」，但呢位發文嘅網民都畀咗好多提示︰「是很多人心目中的娛樂圈清流」、「2004年，參選國際華裔小姐競選冠軍」，並喺原帖文最後貼出鍾嘉欣嘅相，總算係講個答案。網友紛紛留言︰「小時候那照片跟她老公一模一樣」、「她眼睛以前單眼皮」等等，仔細看Linda的童年相都發覺她的多年來，外貌也十分標緻並變化不多，呢輯相可以係她冇整容嘅一大力證。
吳卓羲（Ron）同黃宗澤（Bosco）相識多年，幕前幕後都係好兄弟，平時更會趁住休息時間約食飯敍舊外，Ron更會去尖沙咀捧Bosco嘅場，而同樣單身多年嘅2人，更係圈中出名嘅鑽石王老五，異性緣更係旺到不得了，日前更有網友喺Bosco嘅餐廳偶遇2人，並喺社交網晒出分別同2人嘅合照，認真羨煞旁人呀！
網友喺社交網分享自己連環偶遇2大男神，並晒出合照道：「是誰那麼幸福偶遇了老公？當然是我」以「老公」稱呼Bosco嘅呢位網友，透露自己係專程去巧遇Bosco，而食飯期間隱隱約約見到一個孭珍珠袋嘅熟悉背影，瞬間驚醒對方就係Bosco嘅佢，更等待Bosco上車離開嘅時機，衝上前求合照，未料之後竟然又見到Ron在場，猶如天降大獎嘅網友，更係興奮道：「本人超好說話，真的是非常開心的一天！」引嚟唔少網友激讚2位男神狀態大勇外，更凍齡有道！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
