今日係3月17日，幸運星係水瓶座，運氣好得令人羨慕，最啱做多啲有意義嘅事。楊千嬅係圈中廣為人知嘅「水瓶女」，近年佢不停喺世界各地開巡迴演唱會，早前就喺 ...
Video Player is loading.
Current Time 0:00
Duration 0:00
Remaining Time -0:00
This is a modal window.
The media could not be loaded, either because the server or network failed or because the format is not supported.
Beginning of dialog window. Escape will cancel and close the window.
End of dialog window.
今日係3月17日，幸運星係水瓶座，運氣好得令人羨慕，最啱做多啲有意義嘅事。楊千嬅係圈中廣為人知嘅「水瓶女」，近年佢不停喺世界各地開巡迴演唱會，早前就喺澳門舉行咗兩場個唱，藝人許紹雄一家都有去捧場，千嬅同台下嘅許紹雄打招呼嗰陣，仲加多個敬禮，得知許紹雄個女啱啱結婚，千嬅好識做即時封利是畀佢哋，祝佢哋百年好合，多做有意義嘅事，果然帶嚟好運氣。
最近有內地網民踢爆明星同廠商合照潛規則，指原來只要係品牌安排嘅藝人，啲相全部要經過官方P圖，點知楊千嬅竟然打破規則原圖直出，獲網民大讚佢可愛。見千嬅以低胸紅色長裙上陣，露出迷人鎖骨，零P圖下皮膚狀態依然唔錯，保養得宜。
今日亦係農曆二月初八，宜出行、理髮、掃舍，今日最旺嘅生肖係虎，桃花旺，跟伴侶加強交流關係更好。影帝梁朝偉就係屬虎，雖然貴為影帝嘅佢，多年嚟已經攞獎攞到手軟，不過佢近嚟事業再創高峰，成為首位「三金影帝」，仲攞埋「終身成就金獅獎」，偉仔每次出席頒獎禮時，都可以見到老婆陪到實一實，其實兩個人相識到相愛，經歷過無數次嘅風雨，即使兩人已經相愛35年，仍然會不時喺社交網分享合照放閃，難怪今日偉仔你桃花最旺喇。
