▲姜大衛係好老公好演員。
香港影壇盛事「第42屆香港電影金像奬頒獎典禮」昨晚（4月14日）圓滿結束，各獎項塵埃落定。
當中姜大衛（John哥）憑《白日之下》奪金像獎最佳男配角獎，這次也是入行逾半個世紀的John哥首次獲此殊榮，他得獎的時候，更全場起身拍掌祝福。
在台上John哥深情感謝太太李琳琳，並向其發表愛的宣言：「今日呢個獎我想送畀太太，因為今年係我哋結婚50周年，佢話想低調啲，I Love you！」令台下的李琳琳也感動得眼濕濕並向老公飛吻。
金像獎2024丨姜大衛首奪最佳男配角 深情感謝太太李琳琳：呢個獎送畀佢
最新影片推介：余香凝專訪
感謝大家的肯定
回到後台John哥接受訪問說：「成日都話攞唔攞獎冇乜所謂，原來都幾有所謂，差唔多50幾年冇得獎，好開心。」
John哥感謝大家對其的肯定，又表示很幸運遇上《白日之下》這個劇本和角色：「我一世人只係做咗電影呢樣嘢，希望將來繼續做，我唔會退休。」又指沒有想過會奪獎，又大讚其他對手同樣做得出色。
需新一代接捧
今次他與《白日之下》的年輕導演和年輕人合作，John哥說：「唔好話係提攜，呢一行絕對係需要新一代，需要佢哋嘅思想、拍法，對住新導演我哋可以分享番經驗，我哋亦都需要學習佢哋拍法。」又希望香港拍多些電影，觀眾入場支持。
透露太太聽力有問題
問到他奪獎後會如何慶祝，他說：「問吓我太太先。（會否加家用？）佢畀我。」
至於在場所見，琳琳姐全程戴上耳機，對此John哥解釋太太年紀漸大，聽力愈來愈差，「其中一邊耳仔比較嚴重，另一邊愈來愈弱所以要戴助聽器，佢除咗的話，我可以鬧佢。」
談到會否夫妻檔拍戲？他說：「邊個想睇？加埋都150歲啦。」
陪太太戰勝癌魔
其實John哥與琳琳姐結婚近半世紀也依然恩愛，他更圈中數一數二的「愛妻號」，曾經停工陪伴患上第三期大腸癌的琳琳姐，陪伴對方戰勝癌魔。
在2011年，李琳琳患上大腸癌，起初她於醫院照大腸時發現癌細胞，醫生只評估屬初期，惟進行手術治療後，醫生檢查時發現癌細胞已擴散至淋巴，確定李琳琳患上第三期大腸癌。
李琳琳於半年內接受12次化療，而丈夫姜大衞停工照顧她，經過兩年的治療和休養，李琳琳成功完全康復。
相處之道
John哥曾受訪大談夫婦相處之道，他說：「以前我很多嘢都會堅持，看不順眼便會出聲，但之後會明白，其實許多執拗都無乜大不了，總之不傷害到自己和別人就得了。兩公婆嗌交，都是因為睇法唔同。後生時，我們總是想改變對方，但慢慢就會知道無得迫的。」
John哥坦言太太健康曾出了毛病，令他一度十分擔心：「一次身體檢查，發現她大腸有瘜肉，化驗出有點cancer，很快便選擇即刻做手術和做化療。現在，康復兩年了。但那時期，我確是很擔心。唯一可以做的，就是共同面對。40幾年的情，其實不需要講出聲都知道，大家都是無咗對方唔得的。」
|
鍾意就快D Share啦！
|
|
|
