影片一來，就見到German眼前有三個膠樽，你以為就咁一腳踢爆晒啲樽？原來唔係，German想逐個樽踢走，此動作要求腳法要夠快，當踢倒最底個樽時，上面兩個就會應聲倒下，而German就要在它跌落檯面前，踢走埋，講求驚人的速度。
《香港01》致電German問關於拍攝這條片的技巧要求，他輕描淡寫地說︰「呢條片就冇咩特別練！因為腿法練咗30年！」口吻似足《國產凌凌漆》鐵腿上水飄︰「三十年嘅苦練，今日終於大派用場！」但見到其動作之利落，真係不惶苦練咗30年，值回票價。
German更搞笑說︰「踢唔難，砌樽先考功夫，因為要逐個叠上，要好有耐性攞到個平衡。」最終拍咗三次便完成。雖然在片中，German標注了一句︰「#我要踢十個」不過當事人真正想挑戰係一次過踢四、五個，希望佢快啲練成大家有得睇。而即將上畫的電影《九龍城寨‧圍城》，German就飾演極好打的四仔，他都提到角色上都注入不少腿法功夫，大家拭目以待。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
