蔡淇俊近日拍片又自爆經營近5年的美容院執笠，他一邊執拾細軟，一邊大呻：「唉，捱得過三年疫情，捱唔過加租。有冇搞錯，咁嘅市道仲加租啊！早兩年唔見佢減租。」蔡淇俊之後又走出門外，又呻門口沒有停車位，「其實我呢度停車位又冇，我真係唔明點解仲要加租。」並稱見到不少隔籬舖頭都執笠，但他未放棄創業念頭，「或者我我搵到個平啲嘅地方，開過間。」
蔡淇俊又留言表示：「現在還有雞腳店，咖啡店，抖店也在做雞腳，接下來準備做花膠，做榴蓮，生命不止，奮鬥不息。努力做好電商」又表示：「我會一直創業，永遠不會放棄奮鬥」。有人留言問：「你還有幾多間店啊？」蔡淇俊回覆仍有三間店：「還有一個咖啡店，雞腳店，還有抖店」；又有人窒蔡淇俊有富婆包底，「反正你有富婆兜底，怕條鐵」，蔡淇俊耐心回覆：「你想多了，一直在靠自己，問心無悔」。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
