內地爆紅85後花旦趙麗穎係收視保證，不過近日佢同內地小生林更新主演嘅新劇《與鳳行》竟高開低走，收視逐漸下滑令人一額汗。唔知係咪要重奪觀眾目光，今日（4日）就有一連5個熱搜上榜，全部都係關於二人喺劇中咀嘴一幕！
劇中講到男主角林更新要為飾演嘅女主角趙麗穎療傷，並訴說愛意，點知就撻着趙麗穎嘅慾火，對準林更新個嘴仔想咀落去，二人仲有情深對話，林更新嘅角色就叫趙麗穎要克制一下，點知趙麗穎就答佢：「我很清楚我在做甚麼，不准攔我，如果選錯，那也是我的錯。」跟手就錫落去，仲用手撩林更新嘅頭髮，睇到網友面紅心跳。
不過有網友就發現，二人咀嘴時，林更新竟然毫無反應，仲冇「開口迎接」，又郁都唔敢郁，同自稱係「九億少女夢」嘅Bad boy形象大相逕庭，突然含蓄嘅表現畀網友笑到面黃，話佢只係得把口，面對女神時一樣搞唔掂，同時就有「#與鳳行圓房名場面」、「#林狗你戀愛白談了」、「#林更新狗過但沒醜過#」、「#拍吻戲不張嘴」及「#趙麗穎林更新吻戲」上熱搜。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
