王丹妮（Louise）往出多明尼加共和國參演由台裔美籍導演陳駿霖執導，張孝全、鮑起靜、Mauricio Henao等演出的全英語對白演出的電視劇《Coolie》，經過近5個月拍攝後，終於煞青。
Louise並趕及由多明尼加共和國返港出席日前的金像獎頒獎禮，與《毒舌大狀》的團隊一起分享獲得「最佳電影」的喜悅。
近日Louise更收到《Coolie》監製通知該劇正在康城舉行的MIPTV賣片活動中，廣受買家歡迎，令她更期待透過此劇讓國際觀眾認識自己。
金像獎2024丨《毒舌大狀》奪最佳電影 導演吳煒倫：上下一心比得獎更重要
王丹妮掛念丈夫及女兒
完成這次漫長拍攝之旅後，Louise忍不住說：「終於可以同另一半Sheldon（羅孝勇）重聚；因為5個月前完婚後才兩天，還來不及度蜜月，我便要飛往多明尼加共和國開工。跟囡囡和老公分開兩地，想死我了！」
Louise在三個幾星期前，曾特地返香港拍攝金像獎特刊，趁機陪囡囡雅念玩兩日再趕返巴拿馬完成最後拍攝，直至日前才正式煞青回港。
她直指，今次到多明尼加拍劇5個月，是自己有史以來最長一次遠行工作，令她非常掛念老公Sheldon和囡囡，說：「以前出門做嘢最多三個月之後就會返香港唞一唞之後先再去第二度。但今次時間就再耐啲，honeymoon都無就同Sheldon say goodbye 到而家都未見到面，只靠視像變咗網戀，下星期Sheldon 有一個禮拜假期可以返香港，我哋終於隔咗5個月之後再見面，所以好期待！」
除丈夫和女兒外，身在外地Louise最掛念就是香港的美食，並分享當地人的飲食口味說：「好掛住牛雜河，辣嘢同埋米線，因為嗰邊冇，當地人唔鍾意食辣，反而啲嘢食好鹹，好似成樽鹽倒瀉咗咁…又或者啲嘢飲好甜，半杯都係糖…哈哈。」
被男神張孝全圈粉
Louise很幸運遇上友善的劇組，讓她輕鬆地渡過5個月的拍攝，又可跟鮑起靜和張孝全偷師演技。
她先大讚男神張孝全，指自己已被圈粉，說：「平時我哋兩個都係比較文靜少少比較怕羞嘅人，但係孝全個人非常好，亦都好Humble （謙虛）。拍攝嘅時候兩個人感覺都幾有默契 ，所以我哋嘅場口其實大部份時間都拍得好順利。現場拍攝團隊入邊嘅女仕們全部都俾佢性格同造型迷倒，佢哋仲即刻搞咗個Fans Club，我都係高級會員！」
向影后鮑姐偷師
至於面對影后級鮑姐，Louise形容興奮多過緊張，自己儼如上了堂演技進修班：「我同鮑姐合作拍攝嘅時候真係完全見證到乜嘢係『一秒入戲，快靚正』 ！所以拍攝當下我只係focus 努力做好表演，唔記得咗緊張。」
此行，鮑姐丈夫方平亦有同行陪拍，Louise更主動做小導遊帶兩位一齊到處遊覽。
新劇內容要保密
除3位主角外，今次Louise參演這部作品結集來自逾40個國家的劇組人員，加上異國情調，風光明媚國度下拍攝。
Louise感恩今次參演獲益良多，稱：「團隊上下大家都被南美洲熱情嘅文化日漸影響，例如聽到音樂就會起舞唱歌，同佢哋一齊工作，我自己各方面都學到好多亦成長咗好多。以拍攝完煞科個刻真係好唔捨得，返酒店睇住大家簽晒名送俾我所嘅卡同文字都忍唔住喊咗。煞青party大家都相擁而泣，始終大家唔係喺同一個國家生活，唔知何年何月先有機會再見。 」
今次新劇內容，Louise相當保密大賣關子，因此不少朋友和粉絲以為過去5個月她去旅行，笑言：「工作嘅照片暫時不能發到網上，所以大家只見到我終於有得放假嘅時候出去玩嘅日常，而難得放假就當然會搵嘢玩搵嘢食感受當地生活同文化，所以大家以為我返工返到去旅行度假咁，其實係錯覺嚟嘅，哈哈。」
最新影片推介：
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick Whatsapp頻道睇最新資訊︰http://tinyurl.com/3dtnw8f5
|
鍾意就快D Share啦！
|
|
|
