今日係4月11日農曆三月初三，是日最旺生肖係猴，財運好轉，努力工作可以換嚟豐厚收入。肖猴嘅張栢芝近年北上發展，拍攝真人綜藝節目，又為咗工作喺內地四圍飛，仲不時喺社交網帶貨推銷產品，雖然忙到冇停手，不過栢芝一啲怨言都冇，並享受着每個做嘢嘅時刻。
之不過向來活躍社交網嘅栢芝，自今年初新春前已開始冇更新，就連16歲大仔Lucas被傳同46歲女滑雪教練發展母子戀兼同居，栢芝亦冇作出任何回應，令早前懷有第4胎傳聞更係疑幻似真。
至於天蠍座嘅朋友，今日得到幸運之神關照，各方面運勢都相當好。「天蠍女」蔣家旻（Angel）早前因為盲腸炎要緊急入院做手術，但佢為免擔誤劇組拍攝進度，亦都盡快養好身體，今年元宵佳節，佢仲喺社交網大晒收花，同大玩男友視角歎浪漫晚餐嘅相，之後仲大方認愛，同相識8年嘅圈外好友拍拖，Angel事業愛情兩得意，各方面運勢梗係好啦。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
