藝人拍劇開工通宵捱夜，有時等的時間比正式埋位拍攝的還要多，如果遇到有人請飲請食「萬歲」，台前幕後都即刻醒神晒，為之一振。不過據無綫的幕後工作人員爆料，最好人、最慷慨，又萬歲得最多的，就是視帝馬國明。
現時無綫多個劇組正在開工，視后李佳芯(Ali)、黃宗澤（Bosco）及周嘉洛分別為劇集《麻雀樂團》、《執法者們》及《武林》拍攝。之前正拍攝《武林》的高海寧車輪式既請食甜心、又請食Pizza，氹得劇組人員開心不已，而今次就輪到周嘉洛，嘉洛叫到一枱都係漢堡包同薯條，一拍完即興奮飛身埋枱食薯條。至於有開餐廳的Bosco經常請劇組食嘢，日前他就請台前幕後食餐廳美食，他亦有PO相上社交平台，網民見到都話想試呢！
至於Ali雖然沒有「大排場」，但手上拿着一袋朱古力的她，足以令同劇的譚俊彥、黃庭鋒及郭柏妍非常興奮，就連Ali自己都塞到一口都係呢！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
