歌手謝安琪（Kay）今日（23日）出席銀行活動，講到家中財政大權，她稱肯定在自己手上：「因為另一半（張繼聰）係完全唔在乎有幾多錢，佢覺得夠食、夠交租就好滿意，我都好鍾意佢呢個性格，我都想係咁，但做咗媽咪同年紀大咗，有好多事需要去安排，始終大家角色唔同，佢係向外闖，我就持家。」
Kay育有一仔一女，她稱兒子出世後便購買教育基金，現時兒子17歲，已儲滿對方在外國升學所需的學費：「佢明年10月就去外國升學，但地點仲係三心兩意中，唔一定去澳洲，都有留意英、美嘅學校。（會唔會唔捨得？）依家話捨得，但未到嗰日都未知，其實會唔捨得，諗起我生日、佢生日、母親節都唔可以一齊食飯，個心有啲唔想佢唔喺香港。」她笑言老公現時已開始向7歲的女兒灌輸留港讀大學的觀念：「佢會同囡囡講喺香港讀書有幾開心，一個人喺外讀書孤伶伶好慘，我發覺好多爸爸都係咁，認為仔就應該畀佢出去闖，女出去就好慘，好雙面人，但都可以話係因材施教。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
