今日係4月13日農曆三月初五，幸運星係巨蟹座，生活稱心如意，趁機自我檢討會有得着。巨蟹女陳凱琳（Grace）自從同鄭嘉穎結婚，就減少幕前演出轉戰做KOL，日前Grace就係屋企大晒靚衫，露肩、露腰、短裙通通都有，更將屋企走廊變做Catwalk舞台，甚有名模風範。
其實Grace不時都會更新社交網，同網民分享日常點滴，閒時又做吓活動主持，早前佢去完巴黎時裝周，再擔任第17屆亞洲電影大獎主持，過得咁寫意，點會唔稱心如意。
至於肖馬朋友貴人助力強，工作獲支援，事半功倍。ERROR成員何啟華（Dee）就係肖馬，佢上年可以話係超豐收，除咗拍咗3戲3劇3綜藝，又先後同謝君豪、梁朝偉、張繼聰等一班好戲之人合作，嚟緊仲會同古天樂合拍新戲，阿Dee喺電影圈中咁活躍，又得到咁多前輩提攜，仲唔事半功倍。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
