前港姐冠軍馮盈盈去年初重返校園，在香港大學進修食品產業管理市場營銷碩士，轉眼今年已經畢業。讀書叻的盈盈在首屆文憑試（HKDSE）已考獲5科28分的優異成績，最近她在社交網分享速讀技巧。
盈盈先分享用讀一本書的時間，去讀完5本書的「速讀技巧」3大要訣：「第一要搵出讀書動機，即係你係為咗咩而去讀呢本書，咁樣可以令你清晰去鎖定要睇嘅內容同埋目標。第二就係要學識掃描同篩選，睇書嘅時候要掃描出閱讀目標、同相關嘅關鍵詞，同埋要篩走冇關係嘅內容。
第三就係用「喬治速讀記憶法」，即係我哋盡量唔好逐個字去睇，因為咁樣做會令到大腦出現「空轉現象」，好容易會令到我哋睇書睇到悶，或者眼瞓。我哋應該試吓一次過睇幾個字，或者成句句子，甚至幾行文字一齊去睇，咁樣可以令我哋更加專注﹕同埋可以加強記憶。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
