今日係5月22農曆四月十五，是日最旺嘅生肖係羊，容易獲得貴人支持，有機會喺職場脫穎而出。肖羊嘅麥明詩，今年同機師男友盛勁拉埋天窗，唔單止感情如意，事業都好好㗎！自從2020年淡出娛樂圈之後，就轉戰法律界，喺舊年仲傳出佢擔任，上市公司董事嘅消息，年薪加顧問費，一年都超過一百萬，麥明詩貴人運咁好，一定要好好把握，事業分分鐘更上一層樓！
而麥明詩嘅老公盛勁為呢排暗示恨做老竇，喺社交網上載咗凑契仔契女嘅相，仲話開始想像未來嘅家庭會係點樣，而麥明詩就曾經話要生夠四件，睇嚟應該麥明詩同老公應該有諗法，相信應該冇耐就會有好消息
今日幸運星係水瓶座，良好人緣可帶旺財運，得咗着數就唔好待薄老友。水瓶座嘅張敬軒喺節目上，分享自己嘅感情觀念，表示呢排開始自己都開始想被人照顧，但係又唔會咁容易畀人進入自己嘅生活，所以一直都冇合適嘅對象，雖然遇到啱嘅另一半的確唔容易，但係都要多識啲人，今日軒仔人緣咁好，遇唔到情人，都可以遇到貴人，話唔埋會有意外之財呀。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
