台灣女星楊丞琳出道23年，唱過唔少經典歌嘅佢雖然受邀上內地真人騷《歌手2024》（《歌手5》），但第1集演唱自己經典歌曲《帶我走》時，唱到「刻在心中拍打着脈搏」嘅高音部分明顯走音，而日前（19日）喺天津登台演唱嘅佢，更疑似為咗一雪前恥再唱《帶我走》。
只見楊丞琳身穿嘅黑色連身長裙，腰間兩側開窿設計，盡騷佢纖纖小蠻腰外，狀態更係明顯大勇，就連曾經喺節目度跌低嘅高音部分，亦順利完美克服，並贏盡現場觀眾掌聲。而隨着楊丞琳雪恥成功嘅片段曝光，亦引嚟唔少網友熱議道：「改的不行，唱原版更有共鳴！」、「演唱會更放鬆，她的音色優勢真的體現出來了，好好聽呀！」、「比《歌手》唱得自然了。」、「而且這是已經唱了20多首歌的狀態，她的演唱會真的比CD還好聽！或許她不適合歌手的競技舞台，但她的歌依舊有一眾熱愛的人群，音樂是主觀的，沒有高低之分，喜愛也不需要人人都懂。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
