今日係5月28日農曆四月廿一，肖兔嘅朋友，精神狀態佳，處理大小問題游刃有餘。三料視后佘詩曼（阿佘）就係肖兔，佢自去年台慶劇《新聞女王》後，人氣再度急升，唔單止中港兩地走，商演、廣告更做到冇停手，而《新聞女王2》有傳開拍在即，屆時將原班人馬上陣，「Man姐」出動又點會有問題呀。
之不過近日阿佘接受內地媒體訪問，佢提到自己最近3套劇《新聞女王》、《今天的她們》、《家族榮耀之繼承者》都係飾演女強人角色，但因為呢類角色變化唔大，好難有突破，深怕觀眾冇新鮮感，所以暫時唔想再演女強人。
至於幸運星係水瓶座，人緣佳不是必然，趁運勢強，要多做好事。水瓶女鍾欣潼（Gill）入行多年結識唔少圈中好友，今年初更同隊友兼好姐妹阿Sa，一齊完成Twins演唱會，近月更中港兩地走，為綜藝節目《因為是朋友呀》第2季進行拍攝，與各方好友相聚，Gill你依家運勢強，要多做好事。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
