▲何伯話自己跑慣江湖，所以知道有沒有受騙。
TVB《東張西望》報導76歲何伯申訴仔女「謀家產」熱爆全城，「何伯夫婦續集」於昨晚（5月13日）《東張西望》播出，何伯激動表示子女忤逆，反對他娶「新何太」只是為了爭家產。
東張西望何伯丨自稱何伯子女代表現身反對父親續弦 解釋提取450萬原因
東張西望丨何伯：信晒嗰班反派
何伯、新何太指自己都有網上評論、一面倒的負評，何伯指：「攻擊我哋嗰啲，我當佢地係瘋狗，根本唔知我家事係點樣發展，佢信晒嗰班反派（五名子女），呢五個忤逆仔女！都唔識事、唔明解，你地知唔知我細女捲走晒我啲錢呢？」
他續說：「佢意思即係我同佢（何太）結婚，我（細女）唔支持佢哋，反派。我帶錯咗佢哋（于女）嚟呢個世界！點知佢哋（子女）個心咁樣，攞晒我走，佢哋想我死，根本就係想我死，啲錢就佢地五個分㗎啦嘛！佢地五個分到90萬㗎嘛！個個袋袋平安囉！」
東張西望丨新何太：邪不能勝正
新何太說：「就算個女人唔係我，佢地一樣反對！因為我名正言順成為合法夫妻，佢哋就冇繼承權，所以佢哋咪先下手為強，捲走晒我老公啲錢，等佢一分伙食費都冇，淨返4200蚊，我仲留低喺我先生個袋！我唔要佢嘅！佢話畀隻錶去當我都話唔要住！我仲有錢頂得住，你留先。」
她激氣地表示，「如果我聽你話拎去當，仲唔俾你啲仔女，話我係騙子呃你錢！我頂唔順喇，因為我係好注重名聲嘅人，邪不能勝正！我哋為人正直，會堅持走返啱嘅路。」
在旁的何伯就指自己為子女們供書教學，花了很多錢。
東張西望丨何伯將100萬當試金石
提到新何太向何伯取100萬做生意一事，新何太指二人價值觀相同亦有打算做生意，她強調自己會「錫住老公啲錢」，「首先攞100萬出嚟，就住就住嚟開支，睇下開唔開到檔。」
新何太笑著說：「我都想賺多啲返嚟同佢一齊享受嘅。」
何伯揚言已預料100萬會蝕去，就當作試金石，「佢做得到，我就開心，我又做過熟食，我喺幕後主持，我年紀大，就等佢去做。」新何太又解釋說：「有風險嘅。」
東張西望丨何伯強調自己清醒
何伯激氣地回應有指指「新何太」灌「迷魂湯」：「我不知幾清醒！啲錢係我自己搵返嚟，點解要俾佢（細女）一嘢盜晒我走？銀行嗰個同佢夾計有利益！」
主持梁敏巧表示網民認為是細女替他保管，何伯說：「保管到我死咁點做生意呀？！我想上去發展，我仲想去珠海發展！」
被網民指貪錢，新何太坦言：「佢哋太膚淺我鍾意佢愛錫我，我覺得幸福囉！唔通我老公愛錫我都有罪？仲要俾嗰啲世人用唔好啲眼光睇佢？」
何伯自信地說：「邊個女人呃我，我實睇得通！我10幾歲嚟香港，跑過江湖我知㗎。佢老實、靠得住。」
東張西望丨新何太仔仔：唔讀書賺錢養阿叔
新何太「眼泛淚光」地說：「正正尋晚我就同仔咁樣講，我話：『仔仔，而家你阿叔而家冇晒錢，俾仔女捲走晒，佢臨老過唔到世，好淒涼......我仔仔就話：『我唔讀書，我出去搵嘢做賺錢，返嚟養阿叔。」她指自己相當感動。
梁敏巧問：「如果啲錢攞唔返，你會不會打工養何伯？」新何太回答：「會，我一定會搵到生存嘅方法。我老公唔畀我一個出去打工，或者我返大陸擺地攤喺街邊煎牛扒畀人食，我都會帶埋佢。」
最新影片推介：周家蔚專訪
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick Whatsapp頻道睇最新資訊︰http://tinyurl.com/3dtnw8f5
|
鍾意就快D Share啦！
|
|
|
