《家族榮耀之繼承者》播出首周已經錄得最高收視24.3點，成為本年度兩線劇集收視之冠超級犀利！劇集第1集就出現家暴情節，羅子溢喺酒店房打到女伴口腫面腫，不過只係拍戲2個人事後仲開心合照。現實生活出現家暴就絕對唔會咁開心啦，其實以往有過唔少男藝人都涉嫌家暴，連視后都懷疑中招！
「散打王」崔建邦入行僅4年就憑出色主持07年攞「飛躍進步男藝員」，成為TVB當紅金牌主持之一。點知09年被緋聞女友𡃁模鄺敏慧控告家暴轟動全城！鄺敏慧報案而且招開記者會展示傷勢，指崔建邦捏頸兼「鉸剪腳」夾佢頭。由於視后唐詩詠係崔建邦舊愛，大家都勁擔心佢曾經受虐打但性格內斂唔敢出聲！崔建邦事業一落千丈，最後需要守行為一年。
林俊賢係80年代當紅小生，自從阿女林鈺洧22年當選港姐冠軍再度備受關注，事關被前妻Jasmine控訴當年家暴！Jasmine話被林俊賢掌摑至面腫兼且飛落床，仲試過被棒狀嘅嘢打到手最後報案處理。不過林俊賢就堅稱對方講大話，話自己先係家暴受害者各執一詞。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
