由於二人的人氣同樣勁到爆，霸佔市面不少廣告，可謂由街道廣告牌鬥到快餐店代言人，因此，外界經常將二人比較，今次難得同台，即引起全場起哄。MC先發表感言：「多謝每一個會喺平台度收藏、下載、播放、聽我嘅歌，亦都多謝每一位合作過嘅監製、作曲和填詞人，好多謝你哋會信任我，將你哋嘅作品畀我然後演繹返出嚟，再一次多謝賦二代（粉絲暱稱），嚟緊希望會有更加多嘅音樂做到畀大家。」
身旁的姜濤則笑說：「我哋好似第一次同台，有啲不知所措。」司儀駱振偉也忍不住笑說：「好刺激呀呢個畫面！」姜濤和MC聞言一齊傻笑，非常可愛。
之後姜濤再認真說：「多謝每一位支持我哋嘅歌迷，無論係支持我哋邊一位歌手都好，都好衷心地多謝你哋每一位，因為真係有你哋每一位支持，我哋先至有而家咁熱鬧嘅一個樂壇，所以好多謝大家，希望大家繼續支持呢個樂壇。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
